香港生活成本真係貴，對打工仔嚟講，一失業又冇足夠儲蓄，經濟壓力大到爆！交租、食飯、水電費……樣樣都係錢！其實，政府同啲慈善機構都有提供失業援助金嘅計劃，幫下失業嘅朋友，但真係唔少人都未必知。
今次講經MAN會幫大家整理比較三個主要嘅失業救濟金計劃，包括申請資格、申請方法同援助金額，希望真係幫到有需要嘅朋友！
【相關閱讀】
綜援新計劃受網民熱讚：政府擬推「無償工作」違規者將罰7日綜援金！
咩係失業救濟金？
失業救濟金其實就係專為失業人士而設嘅一種津貼，幫助受助者喺搵緊工嗰段時間頂住生活開支，屬於短期或者過渡性支援措施。香港政府目前冇固定嘅失業救濟金計劃，所以2024年嘅失業救濟金主要係由慈善機構提供。以下有三個常見嘅香港失業救濟金申請渠道：
公益金及時雨基金
申請資格
- 年滿18歲嘅香港居民，並且係香港居住
- 申請人嘅家庭總收入同總資產冇超過指定限額
- 未有接受其他基金或者政府援助
- 申請人同住嘅家庭成員喺申請前六個月內冇接受過本基金援助
申請流程
- 申請方式：可以去基金旗下27間伙伴機構嘅91個批核中心申請援助，地址同查詢電話可以上基金網站搵到 >>按此跳轉基金網站查閱<<
- 證明文件：要準備申請表、身份證明文件、銀行戶口資料同其他相關文
- 審核與發放：申請通常喺兩星期內批核，成功申請嘅話會收到一筆援助金，金額視乎個人情況而定，通常介乎$3000至$12,500
- 申請次數：每6個月只可以申請一次
保良局扶弱基金
申請資格
- 必須係香港居民
- 要通過經濟審查，符合家庭平均入息同資產嘅限額（參考公屋入息上限減20%同綜援資產上限加20%）
申請流程
- 申請方式：必須經由保良局、社會福利署或者醫管局嘅註冊社工轉介，社工會協助申請人填好申請表格，並確認資料無誤 >>按此下載資料<<
- 證明文件：申請表正本、申請人同同住家庭成員嘅身份證明副本、家庭經濟狀況文件、特殊身體情況證明副本及申請項目嘅相關資料（申請表副本會由轉介機構存檔）
- 審核與發放：申請通常需要4至6星期審批，援助金額會按個案情況決定，上限係$6,000
- 申請次數：每位申請人喺5年內只可以申請一次
社署綜合社會保障援助計劃（綜援）
申請資格
- 必須持有香港居民身份證並居港超過1年，且取得身份後總居港時間達1年
- 需通過入息同資產審查
申請流程
- 親自申請：可以親自去區內嘅社會保障辦事處申請，或者透過電話、傳真、電郵或郵遞申請
- 轉介申請：其他政府部門或非政府機構亦可以轉介去社會福利署
- 證明文件：申請人嘅個人資料、居港資格證明、申請人同配偶每月嘅入息同總資產、旅遊證件、申請人或監護人嘅銀行帳戶資料，並提供申請人嘅聲明和保證
- 審核與發放：申請成功後，可以獲得每月$400至$7,645港元嘅援助金
具體援助金額
綜援的失業救濟金分3種，包括「標準金額」、「補助金」及「特別津貼」。
綜援的失業救濟金標準金額
| 每月標準金額（金額視乎健全程度） | ||
| 類別 | 單身人士 | 家庭成員 |
| 65歲或以上的長者 | 4,195至7,130港元 | 3,945至6,535港元 |
| 65歲以下而健康欠佳或殘疾的成人 | 4,195至7,130港元 | 3,945至6,535港元 |
| 殘疾兒童 | 4,715至7,645港元 | 4,100至7,055港元 |
| 65歲以下的健全成人 | 單身人士 | 有不超過2名健全成人或兒童的家庭 | 有3名健全成人或兒童的家庭 | 有4名或以上健全成人或兒童的家庭 |
| 單親人士或須照顧家庭人士 | / | 3,200 港元 | 2,900 港元 | 2,565 港元 |
| 其他健全成人 | 2,950 港元 | 2,630 港元 | 2,370 港元 | 2,120 港元 |
| 健全兒童 | 3,555 港元 | 2,940 港元 | 2,635 港元 | 2,355 港元 |
綜援的失業救濟金補助金
| 補助金類別 | 金額 |
| 長期個案補助金（單人） | 2,620 港元 |
| 長期個案補助金（有2名或以上年老、殘疾或經醫生證明為健康欠佳成員的家庭） | 5,235 港元 |
| 單親補助金 | 420 港元 |
| 社區生活補助金 | 400 港元 |
| 交通補助金 | 335 港元 |
| 院舍照顧補助金 | 400 港元 |
| 就業支援補助金 | 1,245 港元 |
綜援的失業救濟金特別津貼
申請者將會獲發特別津貼，以應付個人或家庭的特別需要，例如租金、水費及排污費、電話服務費、眼鏡費、 學費及其他教育費用、醫生建議的膳食、醫療及康復用品等支出，發放金額由社署決定。
三種救濟金的比較
| 基金名稱 | 申請資格 | 申請流程 | 審批時間 | 援助金額範圍 | 申請次數 |
| 及時雨基金 | 年滿18歲香港居民，未獲其他援助 | 聯繫公益金的27間伙伴機構申請 | 約2星期 | $ 3000至12,500 | 6個月內只可以申請一次 |
| 保良局扶弱基金 | 香港居民，通過入息及資產審查 | 經轉介填寫申請表 → 提交證明文件 | 4至6星期 | $ 6,000 | 5年內只可申請一次 |
| 社署綜合社會保障援助計劃（綜援） | 香港居民，通過入息及資產審查 | 親自申請或政府/機構推介 | 依具體情況而定 | $ 400至7,645 | 暫沒有列明 |
除咗失業救濟金，仲有咩支援？
香港政府仲有「在職家庭津貼」計劃，鼓勵市民自力更生，減少對失業救濟金嘅依賴，特別係針對在職貧窮同家庭貧窮問題。呢個計劃係為咗提高市民嘅工作動力，同時為家庭提供必要嘅經濟支援。
在職家庭津貼
申請資格
- 申請住戶需要達到指定嘅工時要求
- 符合入息同資產限額
申請流程
- 網上申請：申請人可以經網上申請服務遞交申請同上載證明文件>>按此網上申請<<
- 郵寄或親身投遞：可以選擇郵寄或親身遞交表格 >>按此下載表格<<
- 審核與發放：收到申請後，會喺10日內透過手機短訊或郵寄方式通知申請人確認收妥。以四人住戶育有兩名合資格小朋友為例，最高可以領取$4,830
- 申請次數：申領期係遞交申請前啱啱過去嘅六個曆月，合資格住戶需就每六個曆月嘅申領期提出申請，申領期唔可以重疊
具體援助金額
在職家庭津貼分為4種：「基本津貼」、「中額津貼」、「高額津貼」同「兒童津貼」。住戶嘅津貼金額會同住戶類型同每月總工時掛鈎，津貼金額亦會根據住戶嘅入息比例發放，全額、3/4額或者半額發放，津貼金額係按月計算發放。
基本津貼
| 住戶類型 | 每月總工時 |
| 非單親住戶 | 達144小時 |
| 單親住戶 | 達36小時 |
中額津貼
| 住戶類型 | 每月總工時 |
| 非單親住戶 | 達168小時 |
| 單親住戶 | 達54小時 |
高額津貼
| 住戶類型 | 每月總工時 |
| 非單親住戶 | 達192小時或以上 |
| 單親住戶 | 達72小時或以上 |
單親住戶的申請，在職單親父／母申請人須與最少一名15歲以下的子女同住。
兒童津貼
單親住戶及非單親住戶中每名合資格兒童，可獲發職津計劃下的兒童津貼。合資格的兒童必須為15歲以下，或介乎15至21歲，並正接受全日制教育，不包括專上教育。
講經MAN貼士
講經MAN溫馨提示，申請失業救濟金之前，大家記住要仔細了解清楚每個方案嘅要求同流程，準備好所需文件，增加成功率！仲有，失業唔代表無路可行，好好利用現有資源，積極搵新工，咁樣先真係幫自己走出困境！有需要嘅朋友，千祈唔好客氣，快啲行動，保障自己同家人嘅基本生活！
希望呢篇文章真係幫到大家，祝搵緊工嘅朋友早日搵到理想工，早啲返工，生活愈來愈好！
（*本資訊僅供參考之用，如有最新資料或更改，請以官方渠道公佈為準。）