旅行前除咗買機票同安排行程，旅遊保險都係必不可少嘅！面對咁多選擇，究竟邊間旅遊保險最啱你嘅需要？以下講經MAN幫你逐一比較 FWD、STARR、藍十字、AXA 同蘇黎世嘅旅遊保險，帶你睇清楚各自嘅賣點，輕鬆揀出最適合嘅保障方案！
【相關閱讀】
醫療保險、自願醫保計劃、意外保險……邊款啱？退休後長者保險，甘樣揀更抵諗！
FWD「自寫意旅遊保險」
保費
- 單次保HK$112起
- 全年保HK$1,275起
推薦理由
- 臨出發1星期前，目的地發生地震，會全額賠償。
- 如果遺失手機，最高賠償HK$3,000，幾咁貼心！
- 如果買咗演唱會票、主題樂園票，因為生病或受傷唔可以去，最多有HK$15,000保障。
- 汽車意外或失竊，有高達HK$5,000保障。
*以上保費為經濟計劃，現時有雙11優惠可享85折，優惠期至2024年11月30日
| 個人意外保障 | 海外醫療保障 | 行程取消保障 | 行李損壞/遺失保障 |
| 高達$100萬 | 高達$150萬 | 最高$5萬 | 最高$2萬 |
STARR「卓悅遊」
保費
- 單次保HK$100起
- 全年保HK$1,050起
推薦理由
- 最新加入冠狀病毒病海外醫療費用保障，保護你外遊時萬一感染。
- 醫療費用高達$1,500,000港元，包括住院同門診。
- 保障業餘運動，如滑雪、潛水等，冇高度同深度限制！
- 加強租車自負額保障，出國自駕都唔使擔心。
*以上保費為標準計劃
| 個人意外保障 | 海外醫療保障 | 行程取消保障 | 行李損壞/遺失保障 |
| 高達$150萬 | 高達$150萬 | 最高$5萬 | 最高$2萬 |
藍十字「智在遊」
保費
- 單次保HK$172起
- 全年保HK$1,344起
推薦理由
- 全球醫療費用高達HK$1,200,000，旅行醫療保險係唔少人首選！
- 包括回港後90天嘅覆診費用，唔怕返到香港冇得醫。
- 還有航班延誤、天氣惡劣等自然災害引起嘅額外住宿費，亦有保障，令你安心返程。
*以上保費為智選計劃，現時投保單次或全年保險「至醒會」會員可享8折優惠
| 個人意外保障 | 海外醫療保障 | 行程取消保障 | 行李損壞/遺失保障 |
| 高達$120萬 | 高達$120萬 | 最高$5萬 | 最高$2萬 |
AXA 旅遊保險
保費
- 單次保HK$73.1起
- 全年保HK$1,178.1起
推薦理由
- 子女同行可免費保險，家庭旅行特別划算！
- 航班誤點超過6小時，最高可賠償HK$10,000，唔使擔心等唔切！
- 全年保仲包海外線上會診服務，同藥物配送上門，做足防範！
*兒童須為出生滿30天或以上，而年齡為18歲以下，並與其家長於同一旅遊保險保單內受保，及在旅途中全程與家長同行。以上保費為至樂計劃
| 個人意外保障 | 海外醫療保障 | 行程取消保障 | 行李損壞/遺失保障 |
| 高達$100萬 | 高達$100萬 | 最高$5萬 | 最高$1,5000 |
蘇黎世 Zurich「易起行」
保費
- 單次保HK$100起
- 全年保HK$2,580起
推薦理由
- 大人投保，隨行兒童免費受保，家庭旅行唔怕貴！
- 醫療保障高達HK$1,500,000，甚至包括中醫同脊醫治療。
- 若航班延誤5小時以上，每5小時可獲得最多HK$1,600嘅延誤津貼。
- 單次旅遊計劃並不設承保年齡上限
*以上保費為「易起行」簡易計劃
| 個人意外保障 | 海外醫療保障 | 行程取消保障 | 行李損壞/遺失保障 |
| 高達$150萬 | 高達$150萬 | 最高$5萬 | 最高$2,5000 |
AIG「旅遊智易保」
保費
- 單次保HK$17起
- 全年保HK$3,200起
推薦理由
- 高達HK$1,000,000緊急醫療費用及援助，幫你解決病急亂投醫嘅麻煩。
- 提供專屬高爾夫球、郵輪假期及水肺潛水等保障，出遊更得心應手。
- 24/7全球緊急支援服務，仲有幫你翻譯緊急電話，無論到邊度都唔怕唔明講嘢。
*以上保費為「旅遊智易保」基本計劃
| 個人意外保障 | 海外醫療保障 | 行程取消保障 | 行李損壞/遺失保障 |
| 高達$120萬 | 高達$100萬 | 最高$2萬 | 最高1萬 |
旅遊保險知多啲:
常見旅遊保險誤區，你中咗幾多？
應該選單次定全年旅遊保險？
選擇單次定全年，其實就要睇你旅行嘅頻率。如果一年要飛多次，全年保其實更省錢又方便。全年保可以享有無限次數嘅保障，但大多數每次保障期都係90日。如果係長時間旅遊，記得選擇單次保障，最多可以有180日。
旅遊保險通常包啲咩？
其實一般嘅旅遊保險，都會包啲基本保障，好似人身意外、醫療費用、行程延誤或取消、行李損失等，呢啲係大部分保險都會有嘅項目。如果你係去郵輪旅遊、滑雪或者做啲極限運動，仲可以有啲專屬嘅保障，唔怕唔夠保障！
至於有啲較特別嘅保障，例如遺失手機、恐怖襲擊等，咁就要自行評估出行風險再做選擇所以，講經 MAN建議大家：選保險之前，先了解清楚自己嘅需求。
家庭旅行如何精選旅遊保險？
家庭揀保單時睇下有冇「隨行子女免費受保」，以及航班延誤津貼是否足夠應付多人行程嘅額外開支。
保險小貼士
旅遊保險最緊要啱心水，總結快速看，揀得更加掂！
- 全方位保障型-FWD「自寫意旅遊保險」：手機、門票、地震全面保障。
- 極限冒險型-STARR「卓悅遊」：冇高度深度限制，玩盡戶外運動。
- 醫療至上型-藍十字「智在遊」：回港後醫療都包，安心無憂。
- 家庭旅遊型-蘇黎世「易起行」：隨行兒童免費，加埋延誤津貼更有保障。
- 精打細算型-AXA 旅遊保險：子女免費受保，平價又抵用！
- 海外旅行者-AIG「旅遊智易保」：全球緊急支援服務，唔怕「雞同鴨講」啦。
買旅遊保險唔係只係選便宜，要睇清楚你嘅需求同保障範圍。如果你係經常旅行，全年保可以節省唔少錢；如果係偶爾出行，單次保又方便又靈活。咁樣保險買得開心，旅行先至安心！