最近講經MAN了解到，有間顧問公司 MDRi 做項調查顯示，特朗普再當選後，竟然有 40% 香港投資者擔心中美關係惡化，反而對美國經濟有信心，仲有 24% 港人打算將資金加投美國市場！
【相關閱讀】
七成港人覺得特朗普可以改善全球經濟
顧問公司 MDRi 喺11月8日至10日做咗項調查，訪問500個香港同500個新加坡投資者，關於特朗普再當總統對經濟影響睇法。結果，七成港人都覺得特朗普有可能改善全球經濟氣氛，對比到新加坡只有一半人有相同睇法，兩地差別真喺幾大！
40%港人擔心中美關係會越搞越差
報告講到香港有44%嘅人，新加坡喺46%嘅人覺得中美關係重要。同時，40%港人擔心局勢會惡化，其中年輕一代的35%港人預計中美關係會轉壞，新加坡年長一代更加憂慮，45歲以上人士有53%擔心中美關係會惡化。
本地經濟唔樂觀，24%港人打算加碼喺美國投資
目前，香港投資者仍以本地市場（58%）為主，美國（19%）次之。不過，隨住美選結果出爐，香港投資者計劃增加對美投資，比例會由19%升至24%。
尤其年輕一代（29歲以下）同中年人（30至44歲）有29%至33%嘅人計劃加碼美國市場，比45歲以上長者（14%）有更多投資意向，唔少人對美國經濟更加有信心，反而對本地市場唔喺甘睇好。
利率、特朗普政策影響大
通過調查發現，香港和新加坡投資者對美國市場信心增強，都計劃加碼在美投資。同時，發現影響港人投資決策因素好多，市場波動（53%）、利率變化（52%）以及特朗普經濟政策（50%）都有關聯；新加坡投資者則主要考慮利率變化（58%）、特朗普經濟政策（55%），整體來講香港投資者（45%）較新加坡（31%）更著重國際關係。
MDRi行政總裁 Simon Tye 表示，呢項調查顯示特朗普再當選，對香港同新加坡投資者有唔同影響，特別喺香港投資者對美國市場感到樂觀，而新加坡投資者更審慎。如果企業繼續想喺動盪市場中佔據優勢，就要掌握住市場趨勢，否則可能就會掉隊！