ETF是什麼?港股美股ETF懶人投資入門 

你有冇聽過「ETF投資」?好多新手都可能對呢個詞有啲印象,但又唔係好清楚ETF具體意思。其實, ETF 係一種門檻低、回報緊貼大市嘅投資工具。究竟ETF係股票定基金?今次就同你拆解ETF嘅特性同優缺點,再比較股票、基金同債券嘅分別,仲有傳統基金同 ETF 點解唔同。入嚟一文學晒,投資即刻升Level!  

ETF係咩嚟?  

ETF全名 ExchangeTraded Fund即交易所買賣基金。簡單嚟講,ETF就係將基金同市場指數、商品價格或者投資策略掛鉤嘅產品。例如知名 ETF SPY,就係追蹤美國標準普爾500指數。買咗SPY等於間接投資標普500指數嘅股票組合。指數升,SPY升;指數跌,SPY跟住跌。唔少人透過ETF搞長線投資、短線投機或者對沖策略,幾好玩㗎。  

ETF係股票定基金?  

基金係指投資者集資買資產嘅金融產品,好多時都要經金融機構買,仲有基金經理專門幫你揀股。而 ETF就係基金一種,唔單止一次買入多種資產,仲可以同特定指數掛鉤,做到更多元化。最大分別係,ETF 可以好似股票咁喺交易所買賣,交易彈性更大,手續費同管理費通常都比較低。  

點樣投資ETF?  

好簡單!你可以喺網上證券平台或者傳統證券商買賣 ETF ,就好似買股票咁簡單。投資貼士:   

1. 交易時段:ETF 同股票一樣,有正常交易時段,仲有盤前盤後交易。  

2. 管理費: 每隻ETF都要俾管理費,即使追蹤同一個指數,不同公司發行嘅ETF管理費都可能唔同,例如 SPY 管理費係 0.0945%,但 VOO 只係 0.03%。  

ETF、股票、基金比較  

ETF  

ETF係基金嘅分支,但可以追蹤指數、市場或者商品價格,透明度高、靈活性大,投資分散風險。  

股票  

股票係公司嘅股權證明,持有股票即係成為公司股東,可以收股息或者靠股價升幅賺錢,但風險集中喺單一公司。  

傳統基金  

基金係交俾專業基金經理幫你投資嘅產品,覆蓋股票、債券或者貨幣,但管理費通常較高,而且交易唔係即時,唔夠ETF靈活。 

三者比較

 股票ETF傳統基金
投資標的單一公司一籃子股票或債券組合、追蹤特定指數一籃子股票、債券組合、其他金融產本
交易途徑經銀行、證券商經銀行、證券商經銀行、基金公司
成本費用交易佣金交易佣金、管理費用認購費、贖回費、管理費用
透明度最高,有定期財報、設實時價格資訊高,設實時價格資訊、定期更新持股內容定期公布投資組合
靈活性極高
管理方式自行管理自行管理基金經理管理

ETF有咩種類?  

債券型ETF

追蹤債券指數,例如 iShares美國核心債券ETF(AGG),涵蓋美國國債、公司債等,風險分散。  

主動型ETF  

由基金經理操盤,例如巴郡A股(BRKA),重點投資蘋果、可口可樂等大品牌,睇人哋實力。  

指數型ETF  

被動追蹤指數,例如 QQQ(追蹤納指)或者港股盈富基金(2800)。  

板塊型ETF  

專注行業,例如 半導體ETF(SMH),包含輝達、台積電等半導體巨頭,集中火力。  

ETF投資優缺點

ETF投資優點  

分散風險: 少少錢都可以投資一籃子股票,唔使擔心單一股票爆煲。  

高靈活性: 即時交易,調配投資策略靈活過傳統基金。  

高透明度: ETF成份股比例、價格清晰公開,方便部署策略。  

ETF投資缺點  

追蹤誤差: 管理費等會令ETF回報同標的指數有少少偏差。  

有限多元性: 指數型ETF被動追蹤,缺乏主動調配彈性。  

流通性風險: 冷門ETF可能出現買賣困難。  

常見問題  

ETF係咪等於股票?  

唔係! 股票代表公司股權,ETF係基金,買ETF係分散投資,唔會變公司股東。  

點樣買賣ETF?  

直接喺證券商平台或者銀行買賣,入門門檻低,手續簡單。  

ETF同傳統基金有咩唔同?  

ETF透明度高,交易即時,管理費低;傳統基金通常靠基金經理操盤,手續麻煩,費用都貴啲。  

結語:ETF係股票定基金?  

ETF其實係基金,但又有股票嘅靈活性,係一種更彈性、更透明嘅投資工具。無論係長線穩健定短炒投機,ETF都係唔錯嘅選擇,記住了解清楚產品特色先落場啦!

發佈留言

發佈留言必須填寫的電子郵件地址不會公開。 必填欄位標示為 *