喺香港，開聯名戶口就好似去茶餐廳要一杯奶茶咁普遍，情侶、夫妻、家人，甚至生意夥伴都可能會開個聯名戶口嚟管理共同財產。但呢個動作，唔只係「夾份啲錢咁簡單」，裏面牽涉嘅風險、好處，甚至操作細節，你又知唔知幾多？講經MAN一次過拆解聯名戶口嘅運作模式、類型選擇、好處風險，仲有最重要嘅開戶方法！
【相關閱讀】
聯名戶口是什麽？
簡單講，聯名戶口是兩個或更多人一起開的銀行戶口，例如情侶、夫妻、家人或者生意拍檔。這類戶口功能齊全，存款、提款、投資、買外幣、開支票都沒有問題，運作上與普通戶口差不多，但提款方式會因戶口類型有所不同。
常見用戶類型
- 情侶：一齊儲旅行基金、結婚費用，或者分擔家用。
- 夫妻：管理共同財產，好似租金、水電費。
- 家人：例如同屋企人湊錢買樓。
- 生意夥伴：方便統一管理營運資金。
聯名戶口嘅好處大公開
雖然聯名戶口操作複雜，但有以下5大好處，絕對值得你考慮：
1. 慳錢！少啲雜費開支
開聯名戶口可以將多個個人戶口整合成一個，慳手續費、服務費，特別對於管理多項財產嘅人，慳得一分係一分！
2. 促進儲蓄，齊齊理財
開聯名戶口，財務變得透明，戶口收支雙方一目了然，令大家更有責任感，儲蓄目標容易達成。情侶開聯名戶口就特別適合一齊有動力儲錢，避免亂使錢！
3. 簡化共同財務管理
如果有「公數」要處理，例如家庭日常開支，或者生意營運資金，聯名戶口可以集中資金流動，唔需要次次執數計返份額，慳時又慳力。
4. 提升借貸能力
聯名戶口嘅資產可以作為借貸申請嘅衡量依據，資金多，自然貸款額度高啲，甚至可以攞到更低利率，幫你儲錢又幫你借錢！
5. 享專屬服務同優惠
聯名戶口湊埋雙方資產，資金總額容易達到更高嘅理財級別，咁就可以享受銀行嘅高端服務同獨家優惠。
聯名戶口風險：開之前要諗清楚
有好處就有風險，開聯名戶口前一定要了解清楚，以下係3大主要風險：
1. 共同債務責任
聯名戶口內任何一方透支、超額提款，甚至欠債，另一方都要幫手埋單，即使你完全唔知情，都唔可以推卸責任。
2. 信貸評分被拖累
如果另一方有不良信貸紀錄，例如還款延遲，會影響整個戶口嘅信譽。即使你從未借貸，都可能因為對方嘅行為增加未來借貸難度，甚至影響到你自己其他戶口。
3. 信任問題惹糾紛
情侶分手、生意散夥時，聯名戶口隨時變成爭拗焦點。如果冇提早設定提款限制，或者事先協議好分配方式，可能會出現「拉扯戰」。
4大聯名戶口類型比較
開聯名戶口之前，一定要揀適合你同另一位持有人嘅類型！
1. 單簽戶口
單一持有人可以操作提款，快捷方便，但風險高，適合信任度極高嘅人。
2. 雙簽戶口
所有提款或轉帳都需要雙方同意，安全性高，但手續繁瑣，適合資金管理上需要謹慎嘅人。
3. 聯權共有戶口（又稱「長命契」）
如果其中一人去世，財產自動轉移比其他在生持有人。
4. 分權共有戶口
資產比例清晰劃分，避免日後分戶爭議，適合生意拍檔或者未來有分開計劃嘅人。
點樣開聯名戶口？邊間好？
喺香港，幾乎所有大銀行都提供聯名戶口服務，有啲仲支援網上開戶，過程方便快捷！
開戶所需文件：
1.所有持有人嘅身份證
2.地址證明
3.若需要設定提款條款，記得準備好協議書
開戶步驟：
1. 商量提款限制：係單簽定雙簽？定唔定限額？
2. 比對銀行服務：唔同銀行提供嘅優惠、服務各有不同，揀返最適合自己需要嗰間。
3. 提交申請：網上或者親身辦理，按需求選擇。
網上開戶注意事項詳解
1.我是否可以在網上開聯名戶口？
大多數情況下，聯名戶口的申請需要所有申請者親身前往銀行分行，並提交相關文件。然而，部分銀行現已支援網上預約或初步申請聯名戶口，但最終仍需所有持有人親身到分行完成手續。
如你有興趣進一步了解，可查詢各大銀行的官方網站或客服熱線，確認是否支援網上開聯名戶口的選項及具體流程。
2.聯名戶口是否提供網上銀行服務？
這視乎你的聯名戶口類別及提款模式：
- 單簽戶口
在所有聯名戶口持有人同意下，可以啟用網上銀行服務。每位持有人可使用各自的帳號及密碼登入，進行存取款、轉賬等操作。
- 雙簽戶口
由於雙簽戶口需雙方同意才可進行任何資金操作，銀行一般不提供網上銀行服務，所有交易需親自到銀行分行辦理，確保操作安全性。
FAQ 環節
聯名戶口常見問題與注意事項
1. 聯名戶口是否設有最低存款要求？
通常聯名戶口的最低存款要求與普通個人戶口相若，一般為$5,000$10,000不等，視乎銀行政策而定。
2. 哪間銀行的聯名戶口存款利率最高？
聯名戶口的存款利率通常與個人戶口一致，可參考各銀行的利率表以作比較。
3. 朋友之間可以開立聯名戶口嗎？
可以。銀行不會特別審核聯名戶口持有人的關係，但申請過程中可能會詢問雙方關係、開戶原因及資金來源，以避免不法用途。
4. 聯名戶口是否提供提款卡？
單簽戶口：通常可申請12張提款卡，方便持有人各自使用。
雙簽戶口：一般不設提款卡，以加強安全性。
5. 聯名戶口資產是否可用於投資？
聯名戶口的資產可用於定期存款、證券交易、外幣交易等，具備與個人戶口相同的投資功能。
特殊情況：聯名戶口一方過世時的安排
1. 資產擁有權如何處理？
聯權共有戶口（長命契）：資產將自動轉移至尚存的持有人。
分權共有戶口：各持有人按預設比例擁有資產，已故者的部分通常需經遺產程序分配。
2. 尚存者需要進行哪些手續？
單簽戶口：尚存者可獨自前往銀行處理資金轉移。
雙簽戶口：需向銀行提交持有人死亡證明及其他必要文件，以完成相關手續。
總結：情侶開聯名戶口係咪必然好選擇？
聯名戶口絕對係理財好幫手，但信任係核心關鍵！尤其情侶開聯名戶口，唔單止考驗財務透明度，仲要睇大家處理共同資產嘅態度。開之前記得先了解清楚各類型戶口嘅條款，平衡好風險同好處，咁先可以將聯名戶口嘅價值最大化，確保長遠財務管理無後顧之憂！