香港樓市一向係大家關注嘅重點，講經MAN留意到討論區有網民分享「有錢佬樓市預測」，指到2028年，啟德新樓每呎價格會跌至$8000，某啲區域甚至會跌穿$5000！消息一出，即刻引發一波熱烈討論，唔少人擔心未來樓價會大跌，當然都有人質疑預測係咪真係有料。
網傳2028年香港樓價大跌
近日一位網民喺討論區發文，題為：「琴日聽個有錢佬話：2028年，啟德新樓呎比盡$8000…」，雖然樓主冇透露「有錢佬」身份，但距喺貼文中詳細分析了未來三年香港不同區域的樓價趨勢，貼文指香港樓市未來只會跌，特別係啟德新樓的價格可能會下跌至每呎$8000。
樓主對未來三年香港樓市的分析如下：
- $5000/呎或以下：青衣、屯門、天水圍、元朗
- $7000/呎或以下：新界區、大埔、科學園、沙田、大圍
- $8000/呎或以下：九龍區、啟德、油尖旺、九龍城
- $10000/呎或以下：港島區
四大理據證明香港樓價會大跌？
樓主表示自己一開始都唔太相信，「我都有諗會唔會跌咁多？」但佢聽完有錢佬四大理據之後，覺得樓價大跌係遲早嘅事。
四大理據：
- 地產商投地意欲低
青衣早前政府開放投地，標價$1000/呎，但參與地產商唔多 - 投地標價過低，港府寧願流標
長實早前喺啟德投地，標價$1300/呎，港府覺得太低最後流標。 - 空置及未售單位數量上升
全港目前有多達10萬個空置或未售單位，供應過多。 - 年輕人無意置業
而家年輕人對前景唔睇好，置業興趣大大降低。
網民質疑：樓主睇完七師傅預測？
帖文一出即刻引來大量網民討論，不過大部分人都唔信樓價會繼續跌，有人話「唔係啩？超哥話經濟好喎」，有啲人質疑樓主預測有冇可信度，「佢係咪有咩投資，想散貨？」又話「有錢佬咁得閒同你吹水」。仲有人發現，樓主貼文內容，似乎同風水師七師傅預測好似，於是紛紛問樓主：「係咪七師傅預測？」
對於質疑，樓主直言「真係冇跟開七師傅，如果佢都咁講真係巧合」。樓主還補充，話「有錢佬」提佢近期香港投資有三大風險，「呢三個風險，只要發生一樣，有錢佬都會選擇將資金轉移去外」。
香港投資三大風險：
- 外資撒港
- 聯匯甩篝，港幣大跌
- 加關稅
七師傅預測金融海嘯，香港經濟「苦過苦瓜」
最近，各大討論區都出現「七師傅：要儘快沽樓，金融海嘯殺到嚟！」、「七師傅最新預言，樓價L形下跌」等貼文，因為早前七師傅喺財經節目中分享，香港今年經濟真係「苦過苦瓜」，甚至話「苦都未食完，點會甘來呢？」，並強調金融海嘯即將來臨，港人要小心。同時，七師傅奉勸大家要儘快沽樓，到時樓市情況將如同97年崩盤。
網民反應兩極：神棍 VS 神預測
網上對貼文反應兩極，一啲網民覺得七師傅分析好有道理，「呢個時勢，信七師傅跌好過信啲股神樓神話升」，仲有人回想起兩年前七師傅講過樓市會跌，當時完全冇人信，而家睇返就中曬。當然亦有人唔信，「風水都係gimmick野啫」、「但七師傅自己都買樓喎」，仲有網友話：「L型下跌，一兩年後就知係咪神棍！」
總括來講，香港樓市未來會唔會真係崩盤，大家各有各睇法，但唔少人都同意樓價可能會有變動。講經MAN提醒大家，無論係準備買樓上車，還係打算散貨，都應該謹慎考慮，並時刻關注樓市最新動向。