生活中有好多意外，例如火災、天災等都可能令房屋受損。家居保險可以分擔風險，令你唔使擔心賠償費用。唔同保險會有唔同保障範圍、保費，咁點揀先啱自己？一文幫你比較2024年嘅10款家居保險，了解各款保障類型同保費，幫你搵到最適合計劃！
家居保險類型簡介
1.家居財物保障
保護家中財物，例如傢俬、電器、珠寶等，若有損失保險公司會進行賠償。
如果唔幸發生損失，記得要即時做以下步驟：
- 收集證據：儘快收集所有可以證明損失嘅證據，包括損壞物品嘅照片、目擊者證詞等，最好影多啲相。
- 通知有關部門：盡快通知管理處或物業管理並報警處理，確保所有損失都有正式紀錄，否則可能影響賠償申請。
- 報案及拍照：損壞情況記得拍照，呢啲影像證據對日後索賠非常重要。
- 提供損失清單：整理好所有損壞或失竊物品清單，並提供收據或其他證明文件。
為左成功獲得賠償，可以注意提供以下事項：
- 如果物品係禮物或者冇收據，最好保留包裝盒、保養證明、產品編號等資料，幫助證明物品真實價值。
- 如果證據唔充分，保險公司可能會低估損失，甚至唔賠償。
2.公眾責任保險
如果家居事故令第三者受傷或損失，呢類保險會承擔責任。例如唔小心摔窗導致人受傷，或者樓下鄰居因漏水受損等。
3.樓宇結構保險
樓宇結構保險通常被稱作「火險」，包括自然因素引起嘅建築物損失，都會有賠償。按揭期間，銀行通常會要求有火險。
保費比較
家居保險保費一般按屋企面積來計算，大面積保費自然高。以下係部分公司保費比較：
| 保險公司 | 家居保險計劃 | 保費(每年) |
| FWD 富衛 | 易安心家居保 | HK$420(以實用面積計算) |
| AIG 美亞保險 | 萬家寶Plus綜合家居險保單 | HK$520起 |
| 藍十字保險 | 家居至專寶(計劃 D－非矮房) | HK$420* |
| 中銀集團保險 | 周全家居綜合險(計劃 I） | HK$684* |
| 星展銀行 | HomeShield家居保障(計劃 I) | HK$896.25 |
| MISG 三井住友 | 租客家居保障計劃（建築面積800 呎以下） iHome 家居保險（計劃A） | HK$688 HK$1,340* |
| Zurich 蘇黎世保險 | 「自在家居」保險計劃 | HK$1,120* |
| AXA 安盛 | 家居萬全保(計劃 A) | HK$811.61* |
| 豐隆保險 | 豐隆家居財物保險(計劃一) | HK$1,285 |
*以建築面積500呎或以下，業主自住私人樓宇，樓齡41年計算每年保費。
何時購入家居保險？
家居保險可以隨時購買，啱你就係最好時機！以下情況特別要注意：
1.新屋入伙
一買新屋就可以即刻安排保險，甘就穩穩陣陣。
2.按揭期間
銀行會要求火險，但你可以加多啲保障。
3.租屋
租客都可以保障自己嘅私人物品。
4.變更居住狀況
例如搬屋、添置貴重物品，咁就要重新考慮保險範圍啦。
5.災害高風險地區
如果你居住係易發生自然災害嘅地區，購買家居保險可以為你提供額外安全保障。
講經MAN建議，選擇家居保險時唔單止要睇保費，最緊要係保障範圍要啱自己，了解清楚條款先好決定！