兩大JDM傅合併 反映傳統車廠危機 Honda股價一度上漲超15% 三菱汽車都考慮加入

最近,本田(Honda)與日產(Nissan)兩大汽車品牌嘅合併消息,無疑好似一顆重磅炸彈喺全球汽車界引發震動。唔單止係日本汽車業嘅一次重大重組,更可能成為全球汽車市場嘅重大變革。12月23日,兩家公司喺東京就合併事宜簽署「諒解備忘錄」,正式進入談判階段。合併後嘅新公司預計將會成為全球汽車行業嘅第三大集團,僅次於豐田和大眾。接落來,跟住講經MAN一齊了解汽車行業未來嘅大變革!

股價暴漲!Honda成市場“新寵”

合併消息一出,市場立刻作出反應。12月23日美股開盤後,本田股價一度上漲超15%,截至23点28分本田股價漲幅達12.06%,市值攀升至417.9億美元。呢波股價上漲,唔單止反映咗投資者對本田與日產合併後可能實現嘅協同效應充滿期待,都顯示咗市場對於呢個新合作模式表示睇好,尤其係本田喺新控股公司中將占據嘅主導地位。

合併計劃詳情,由Honda揸fit

根據報導,本田與日產計劃以共同出資嘅方式,成立一個新控股公司,並將兩家公司納入新實體下。合併完成後,本田將喺新控股公司中占主導地位,擁有過半股份及董事會席位。合併最終協議預計會喺2025年6月達成,而新控股公司將於2026年8月喺股市上市,屆時本田和日產將退出公開市場。此外,與日產組建企業聯盟嘅三菱汽車都有望參與呢次合併三菱將於2025年初決定是否加入

合併計劃一旦完成,將可能係自2021年Stellantis集團成立以來全球汽車行業最大嘅一次重組事件,將改寫日本汽車業版圖,形成兩大競爭陣營:一方係豐田傳統汽車巨頭,另一方係本田、日產以及三菱(有望加入合併)嘅新聯盟。根據Statista的數據,2024年上半年,本田、日產和三菱總銷量超過400萬輛,但仍落後於同期豐田集團嘅560萬輛。

但日產前董事長戈恩(Carlos Ghosn)未看好,表示兩公司合併並不能互補,兩家日本車企在技術等方面重疊部份太多,即使實現合併,大概也不會成功。且據共同社報道,佢表示台灣電子巨頭鴻海集團提出收購日產「很有意思」,暗示比合併更理想。

合併後的“新勢力”,仍面臨挑戰

根據中汽研數據,2023年本田與日產全球銷量分別為398萬輛和337萬輛,兩者合計達到735萬輛。如果合併成功,這個全新車企集團銷量將顯著提高,有機會超越現代起亞集團,成為全球第三大汽車集團,僅次於豐田和大眾,帶來更強的市場競爭力。

然而,日系車喺中國市場嘅表現並唔樂觀。根據數據,2024年1至11月,日系乘用車喺華銷量下滑15.6%,市場份額縮水至12.3%。甘表明日系車面臨著來自中國本土品牌嘅巨大競爭壓力,而呢次合併係咪能夠挽回日系車嘅市佔率,還需要時間來觀察。

為何是Honda與Nissan?背後的“危機感”

唔少人可能會覺得,日系品牌喺全球市場表現有所下滑,為何選擇本田與日產呢兩家公司進行合併?事實上,背後原因與兩家公司所面臨嘅財務壓力密切相關。

日產目前最大市場——北美嘅營業利潤已經下降咗99%,現金儲備僅剩12至14個月,仲面臨巨額債務與承受著激進股東嘅壓力;至於本田,儘管情況稍好,但都出現利潤下滑和業績預期低於市場預期嘅情況。與其單打獨鬥,兩家企業選擇合作,有助於減少財務壓力,提升整體競爭力,無疑係呢個充滿不確定性時代中尋求一條可持續發展嘅出路。

日系車的電動化“艱難突圍”

日本汽車業嘅另一大挑戰係如何應對全球電動化浪潮。由於日本本土市場過度依賴燃油車與混合動力車,日系車喺電動化領域進展較慢,面對中國與美國喺電動車領域嘅領先地位,日本車企必須加速轉型。

然而,電動化轉型成本高昂,需要大規模嘅技術研發與產業鏈布局。唔單止係對資金與技術嘅挑戰,更係一場時間與資源嘅賽跑。甘嘅背景下,本田與日產合併,既可以應對市場競爭,都係兩家公司對未來挑戰嘅戰略布局。

全球車企的“大調整”:不止日系車企在變

其實唔止係本田與日產,全球汽車企業都進行一場大規模嘅重組與調整。以德國大眾汽車為例,為咗應對電動化轉型嘅高成本,大眾汽車集團已經開始裁員、關閉工廠,並與工會進行艱難談判。而美國通用和福特,都進行削減成本和縮減虧損措施。

中國市場,車企間競爭都越來越激烈,唔少企業選擇進行內部整合以提升效率。比如吉利就宣布開始整合旗下的子品牌,聚焦核心業務。顯示出全球汽車市場嘅激烈競爭下,各大車企都為未來嘅挑戰做好準備。

結語:Honda與Nissan合併將開啟新時代

本次合併一旦完成,本田、日產和三菱將形成一個強大新聯盟,或許能夠喺未來市場競爭中占據一席之地。對於香港市場來講,呢個變動將直接影響到我哋未來車市格局和選擇,都意味著日系車可能會迎來一次全新的復興。

無論係面對電動化轉型,還係應對全球市場挑戰,本田與日產嘅合併都將成為一個值得關注嘅標誌性事件。隨著時間的推移,我地一齊睇睇新聯盟將如何喺全球汽車市場中發揮出巨大影響力。至於大家,會選擇繼續睇好日系車還係其他車呢?

*文章內容僅作為分享及參考用途,而非專業投資建議。由於個人情況及需求不同,你可以聯係 講經MAN 團隊或咨詢你的理財規劃師,以取得專業的建議。

發佈留言

發佈留言必須填寫的電子郵件地址不會公開。 必填欄位標示為 *