講經MAN了解到,自特朗普勝選後比特幣價格一直保持強勢,主要為特朗普支持比特幣,曾表示要建立「國家戰略比特幣儲備」,其追隨者多數係比特幣支持者,比如被視為「狗狗幣之父」馬斯克,而且新組成嘅政府效率部門出現DOGE標誌。
同時,特朗普次子Eric Trump接受《CNBC》訪問時豪言,「全球現代銀行系統已經過時,加密貨幣和區塊鏈技術超越它們只是時間問題,區塊鏈技術可執行現代銀行系統的所有功能,而且做得更好。」更直言看好加密貨幣市場發展,比特幣價格將有機會上看100萬美元。演算法交易公司 Presto 發布年度加密貨幣市場報告指出,若以每月5.3%的複合增長率計算,推估網絡目標價值可達4.2兆美元,相當於2025年底,比特幣每顆價格可以達到21萬美元,穩定幣總市值也將至3,000億美元。
喺特朗普大力支持推動下,比特幣價格曾一度攀升,12月5日首次突破 10 萬美元後,12月16日再創歷史新高,突破10.6萬美元大關,市值直逼2萬億美元。但12月18日,美國聯準會(Fed)主席鮑爾 (Jerome Powell) 在利率會議後表示,「我們不被允許擁有比特幣。」再次震動加密貨幣市場。鮑爾明確指出,《聯邦儲備法》不允許聯準會將比特幣納入資產負債表,且未來不會推動修法,這是國會的權限。同時,聯準會宣布降息1碼至4.25%-4.5%區間,明年預期僅降息2碼,低於外界預期的4碼,令市場感到失望。此言一出,比特幣24小時內重挫超過5%,價格跌破10萬美元,截止12月27日比特幣跌至9.6萬美元,加密市場再現恐慌性拋售。
【相關閱讀】
雖然比特幣全球總量上限為2100萬個,但仍被唔少人質疑為「泡沫」。當中,華爾街幾位重量級人物——戴蒙、巴菲特及達里奧過去曾對比特幣提出過激的批評,甚至直言係一場騙局,但隨著比特幣從0.0008美元飆升至今,大佬們嘅的態度似乎也有所變化。係繼續堅持質疑?還係有所睇好?講經MAN綜合《華爾街日報》及網上報道,幾位華爾街巨頭過去及現在對比特幣看法的轉變:
摩根大通CEO:戴蒙
過去:比特幣係龐氏騙局
摩根大通(JPMorgan)CEO戴蒙,係華爾街最著名厭惡比特幣嘅人物之一。早喺2017年,佢就指比特幣等同於「欺詐」,話會解僱任何喺銀行交易比特幣嘅員工。佢甚至喺國會聽證會上,將加密貨幣形容為「去中心化的龐氏騙局」,仲強烈呼籲政府應該「關閉(禁制)它」。
現在:買唔買係你自由
不過,隨住比特幣不斷突破新高,戴蒙最近對比特幣嘅似乎變溫和,佢開始形容比特幣就係「寵物石頭」(Pet rock),呢個概念係70年代嘅流行產品——就係將一塊裝飾過的石頭當做寵物賣,雖然無用,但幫發明者賺到唔少錢。戴蒙近年唔再批評比特幣為騙局,喺2024年世界經濟論壇中,佢甚至話:「我唔想告訴人哋應唔應該投資比特幣,因為呢個係一個自由嘅國家。」但佢亦強調,自己唔會參與比特幣投資,並建議唔好當作投機工具。
橋水基金創辦人:達里奧(Ray Dalio)
過去:比特幣係地獄的發明
橋水基金創辦人達里奧過去對比特幣嘅態度相當強烈,曾形容比特幣係「地獄般嘅發明」與「替代黃金嘅資產」。2017年,達里奧曾指出,比特幣係一個「投機泡沫」,並且強烈質疑比特幣能否成功。佢當時甚至表示,世界大國會採取行動扼殺比特幣,認為如果比特幣成功,政府就會對其進行打壓。
現在:買比特幣有助應對全球債務危機
隨住全球各國債務危機加劇,達里奧對比特幣嘅睇法有咗轉變。佢開始認為,比特幣作為一個抗通脹資產,可以喺當前全球貨幣危機中提供避險價值。佢指出,隨住世界各國的財政困難加深,投資者應該開始關注像比特幣同黃金咁嘅資產作為保值手段。
股神巴菲特
過去:比特幣係特級老鼠藥
股神巴菲特,可能係「華爾街史上最看不起比特幣」嘅投資大亨。2018年,佢喺巴郡年會上把比特幣形容為「有毒的害人之物」,直言即使全世界嘅比特幣只需25美元佢都唔會買。佢一向強調,投資應該係建立喺現金流、盈利等基本面之上,而比特幣完全冇呢啲基本面,根本唔係一個有價值的投資。
現在:人喜歡做蠢事及賭博
即使比特幣不斷升值,巴菲特似乎依然堅持對比特幣的批評,但佢嘅語氣變得更溫和。喺2023年接受CNBC訪問時,巴菲特講到,雖然佢仍然唔認為比特幣係有價值的投資,但佢理解,喺現代社會人類天生有賭博本能,好多人都喜歡參與「賭局」,無論係六合彩定係比特幣。因此,巴菲特認為,比特幣升值只係人類追求刺激、做蠢事嘅原因。
總結:比特幣嘅未來仍充滿變數
無論係戴蒙、達里奧定巴菲特,幾位華爾街巨頭都表達咗對比特幣嘅矛盾態度,儘管佢哋立場唔盡相同,但可以肯定嘅係比特幣的市場仍然勢不可擋。然而,隨住比特幣價格上漲,泡沫風險亦逐步增加,講經MAN建議對於大部分散戶或許保持觀望係更好選擇,避免被過度投機情緒所驅使。
無論如何,比特幣呢條「新貨幣」路,未來仍會係爭議中繼續走下去。
*文章內容僅作為分享及參考用途,而非專業投資建議。由於個人情況及需求不同,你可以聯係 講經MAN 團隊或咨詢你的理財規劃師,以取得專業的建議。