“無錢申請破產好唔好？”咁樣問，其實真係有啲深。
講經MAN今日就同大家探討下破產嘅後果、好處同申請程序。話說，甘嘅經濟環境下，唔少人因為投資失敗、消費過度、或者賭博成癮，陷入財困。當利息同債務越滾越大，唔少人真係還唔上，咁破產有時就成為唯一嘅出路。當然，講到破產，多數人都會諗到一啲負面嘅影響，不過有時破產反而係一個重新開始嘅機會，咁到底破產係咩來頭？點樣申請？又有咩後果同好處？不如一齊深入了解下。
咩叫破產？
簡單嚟講，破產就係指一個人或公司因為冇辦法還清所有欠債，於是向法庭申請，等法庭派人來管理佢嘅財產，並幫佢分配畀債權人，其實就係一個法律程序。
破產可以分為兩種：
- 主動破產：即係自己申請破產，因為無法償還債務，請求法庭保護。
- 被動破產：即係債主向法庭追究，逼你破產，咁你冇得選擇。
點解要申請破產？
對債務人嚟講，申請破產可以暫停所有債務訴訟，甚至連追債行動都唔可以繼續。你可以專心處理財務，集中精力生活。對債權人嚟講，破產係一條法律途徑，確保可以拿回部分欠款。
申請破產嘅步驟
| 提交文件 | 繳付費用 |
| 申請人首先需向破產管理署署長提交「債務人破產呈請書」及「資產負債狀況說明書」。這些表格可在破產管理署的官方網站上免費下載。 | 填妥文件後，申請人需親自到破產管理署繳納HK$8,000，以支付破產管理署或受託人所需的各項費用。 |
| 見證與宣誓 | 繳付法庭費用 |
| 申請人需就所提交的呈請書和資產負債狀況說明書，分別辦理見證和宣誓手續。 | 申請人需前往高等法院登記處，繳付HK$1,045的法庭費用，並確定聆訊的日期，同時提交呈請書和資產負債狀況說明書。 |
| 提交文件副本 | 申請完成 |
| 申請人需向破產管理署署長提交兩份文件副本：一份是蓋印的呈請書副本，另一份是資產負債狀況說明書的副本。 | 完成以上步驟後，申請人需按時出席聆訊，正式接受法庭頒布的破產令。 |
破產嘅後果
破產當然唔係冇代價，生活會受到唔少限制：
- 生活水平：每個月收入扣除生活開支後，用來還債。
- 出入境：唔可以隨便出入，需要報備，仲要守住返香港嘅時間表。
- 職業限制：破產後，某啲行業你可能唔可以再做，律師、保險業者等等。
- 信貸紀錄：破產會係信用報告上留低印，日後借唔到錢，呢個後遺症真係唔小。
破產嘅好處
雖然破產有唔少壞處，但都係有啲好處架！
- 停止追債：所有債務官司會停，唔洗再擔心追債，精神輕鬆啲。
- 重頭開始：所有私人貸款同信用卡債會清算，有機會重新出發。
- 生活保障：破產後你依然可以靠自己嘅工資過生活，唔使每日為咗生存煩惱。
常見問題
1.破產令幾時解？
通常，四年後會解除破產，但如果有特殊情況，可能會延期。
2.如果破產後仲被追數點算？
破產後（一啲特殊嘅債務例如贍養費、學生貸款等唔會自動消失），如果債務人在破產後仍然收到追討通知，應主動聯繫債權人解釋破產情況，必要時可尋求法律意見。
3.破產會唔會影響到屋企人？
破產主要影響你自己嘅財務狀況，對屋企人影響唔算太大。但如果你同配偶有共同資產，可能會有影響。
破產係一個可以重新開始嘅機會，如果你真係決定行呢條路，記住要搵專業人士諮詢，確保了解所有後果，做一個最明智嘅決定。