日元最近走勢波動，唔少港人都心郁郁，準備換定啲日元，為咗去日本旅行儲「彈藥」！今次講經MAN就嚟同大家做個匯率比較，睇下邊間外幣找換店同銀行嘅匯價最抵，等大家可以事先準備好，唔好到時匯率唔啱又手忙腳亂！
【相關閱讀】
首三季197萬港人遊日狂掃貨，總消費高達$258億！聖誕假期來襲消費會再創新高嗎？
日元走勢波動，留意匯率動態
根據日本最新嘅數據，喺7月份，日本政府曾兩度干預匯市，出動近 5 兆日元（即約 207 億美元）嚟支撐日元匯率，但隨著美國大選結果出爐，加之美國同日本之間嘅巨大利差，日元匯率一度跌破1美元兌換154日元，達到7月底以來最低水平。同時，唔少專家話日元近期又可能會有進一步疲軟嘅風險，咁日元會唔會再跌翻個低位？幾時日元兌港元最抵諗？大家就要時刻留意啦！
本港日元兌換價對比（現鈔 vs 電匯）
唔同地方日元兌換港元，其實價錢差好遠。無論你係想喺銀行定係找換店換，匯率都唔同，睇清楚先決定最適合自己嘅方式！
本港找換店最新匯率
| 找換店 | 現鈔賣出價（港元） | 電匯賣出價（港元） |
| 小女孩 | 5.066 | – |
| 飛鳥 | 5.125 | – |
| Birdy | 5.130 | – |
| 永恆 | 5.110 | – |
| 牛記 | 5.089 | – |
| 銀豐（荔枝角） | 5.072 | – |
| Global Exchange（機場） | 5.323 | – |
| Travelex（機場） | 5.110 | – |
（*資料更新至11月11日1pm，僅供參考，請以最新公布為準。）
本港銀行最新匯率
| 銀行 | 現鈔賣出價（港元） | 電匯賣出價（港元） |
| 中銀（現鈔／電匯） | 5.161 | 5.096 |
| 滙豐 | 5.135 | 5.100 |
| 恒生 | 5.137 | 5.100 |
| 東亞（現鈔／電匯） | 5.137 | 5.097 |
| 華僑永亨 | 5.110 | 5.074 |
| 招商永隆（現鈔／電匯） | 5.110 | 5.077 |
| VISA | – | 5.109 |
| Mastercard | – | 5.110 |
| 銀聯 | – | 5.105 |
（*資料更新至11月11日1pm，僅供參考，請以最新公布為準。）
找換店：服務貼心又方便
講到找換店，最大優勢就係方便！多數係開到晚上，方便咗唔同時間落班嘅朋友。最緊要係大部分找換店都唔收手續費，呢個真係吸引呀！如果你唔係要兌換大量日元，香港嘅找換店其實係一個幾好嘅選擇，仲可以用 WhatsApp或電話預約，慳翻排隊時間，真係方便又省心。
銀行兌換：網上電匯鎖定匯率更安心
想要係銀行兌換嘅朋友，可以試下用網上銀行進行電匯，提前鎖好匯率。你只需要喺屋企揀好心水嘅匯率，然後把外幣轉入自己嘅外幣戶口，喺需要時預約取款就得！不過要留意，銀行通常會提供大鈔，仲有大額提存通常都會收手續費，所以唔係每個人都適合呢個方式。
一文看總結
留意匯率波動：日元匯率好唔穩，記住喺換之前睇好最新價格。
比價尋找最抵：唔好只睇一間，多比下唔同銀行同找換店嘅匯率，尋找最適合自己嘅。
有需要就預約：找換店普遍會提供預約服務，幫你慳時間，尤其係節假日或者放工後。
年關將近，遊日走起，講經MAN希望大家都可以換到最抵嘅日元！然後有咩問題，記得留言呀！