醫療保險、自願醫保計劃、意外保險……邊款啱?退休後長者保險,甘樣揀更抵諗!

踏入65歲,退休後點保障自己嘅生活?市面上保險種類多到眼花繚亂,長者應該點樣揀?講經MAN幫大家分析意外保險、醫療保險、危疾保險同人壽保險,仲特別提到大熱嘅自願醫保計劃,等你一次過搞清楚邊樣最啱自己。  

點解退休後仲要買保險?  

年紀大咗,健康風險自然高,而且唔係個個長者都有穩定收入,萬一有病痛或意外,醫療費用隨時打亂晒生活節奏,再加埋醫療通脹、公營醫療系統「爆煲」,隨時排隊排到天荒地老,無啲醫療支援都難頂。  

如果保險可以幫到手,部分醫療開支可以轉嫁畀保險公司,退休後財政壓力自然少咗,仲有機會享受更好嘅私營醫療服務。目前市面上專為長者設計嘅保險產品唔少,包含意外、醫療、危疾同人壽保障,但投保前一定要了解清楚產品特點同自己嘅實際需求。  

意外保險  

意外保險主要保障因意外導致嘅傷害,例如意外死亡、永久傷殘、肢體喪失同埋治療費用。  

據香港衛生署調查,65歲或以上嘅長者,半年內至少跌倒一次嘅比例高達10.1%,跌親骨折仲有10.2%。呢啲意外除咗即時影響,長遠仲可能降低活動能力、自理能力同認知能力,真係唔可以掉以輕心。  

市面上有啲意外保險產品投保年齡上限可以去到70甚至80歲,但保額通常會低啲。長者投保時,記住睇清楚條款有冇包埋跌打、針灸等醫治療費,保障越全面越好。  

醫療保險  

醫療保險係為傷病引致嘅合理醫療開支提供保障,通常用「實報實銷」嘅方式賠償。

保障範圍主要分兩大類:

  • 住院保障:包括病房、手術、護理、化驗同專科費用等,甚至住院期間嘅定額現金賠償。  
  • 門診保障:涵蓋睇普通科醫生、專科醫生,甚至中醫、物理治療同跌打嘅費用。  

由於長者身體機能退化,患長期病風險較高,醫療保險就變得相當重要。不過,投保年齡上限多數介乎64至70歲,而年紀越大,通常保費越貴。如果投保前已有病,保險公司有機會加保費或者不保某啲情況,甚至直接拒保,所以買得越早越好。  

而家特別流行嘅自願醫保計劃(VHIS),專為香港市民設計,最高可以俾80歲人士投保,仲保證續保至100歲,呢個計劃仲包括投保時未知嘅病症,對長者嚟講絕對係一個貼心選擇。例如「Avo 自願醫保(標準)計劃」就係醫務衛生局認可嘅標準醫保計劃,長者可以用有限預算享受基本嘅院醫療保障,減輕醫療費用壓力。  

危疾保險  

危疾保險主要針對癌症、心臟病、中風等重大疾病,一旦不幸中招,可以一次過攞賠償,自由安排用喺醫療或者生活開支上。雖然退休後長者通常唔再係經濟支柱,但醫療費用對家庭財務仍有影響。如果預算許可,盡早買咗呢類保險,退休後繼續保留都係明智之舉。

人壽保險  

人壽保險就係受保人過世後,畀受益人一筆賠償幫佢哋應對難關。不過,退休長者通常唔再需要供養子女,對人壽保險嘅需求反而減低。如果真係要投保,應該考慮自身經濟狀況,衡量呢類保險嘅必要性。  

總結  

對於長者嚟講,意外保險同醫療保險通常比較實用,而危疾保險同人壽保險就要睇實際需要。特別係醫療保障方面,自願醫保計劃提供一個靈活又貼心嘅選擇,幫長者更好應對醫療挑戰。買保險前,記住多啲比較,揀啱自己嘅產品,唔好盲目追求全面,唔啱用嘅保險只會白白浪費錢! 

 

發佈留言

發佈留言必須填寫的電子郵件地址不會公開。 必填欄位標示為 *