根據破產管理署最新數據，2024年11月本港破產呈請書數量輕微回落，但同比卻增長。當經濟遭遇困難，除咗可以申請破產外，還可以點做？跟住講經MAN了解，破產外嘅更多選項。
破產呈請書：月降年增
2024年11月嘅破產呈請書總數為 833宗，雖然按月下降 5.02%，但與去年同期相比仍然新增2.33%。值得注意係，法院發出嘅接管令或破產令都達到了 674宗，雖然按月有所下降，但年增幅高達23.44%。甘顯示出，儘管短期內有輕微回落，但市場上破產問題依然存在。
今年以來，破產呈請書數量已經達到 8,409 宗，較2023年全年增加咗 6.98%。意味著，很多企業和個人喺面對財務壓力時，選擇走上了呢條艱難道路。
【相關閱讀】
強制清盤：急劇上升
2024年11月強制清盤的呈請書數量為 72宗，較10月激增咗28.57%，並較去年增長咗75.61%。另一方面，法院發出清盤令32宗，按月減少39.62%，按年減少8.57%，但強制清盤呈請書共 683份，較去年全年增 20.67%。
以上數據，唔單止反映公司與企業嘅償債壓力，都顯示咗唔少企業已經無力維持生計，最終只能走上清盤嘅絕路。
破產以外的選擇
對於個人與企業來講，破產並非唯一嘅選擇。事實上，喺某啲情況，與債權人達成「非正式安排」或選擇「個人自願安排」可能係一條更為理性嘅出路。
非正式安排：可行但風險大
如果你知道自己無法全額償還債務，可以考慮與債權人達成非正式安排，商定分期還款嘅條件與時間表。
呢種方式最大優勢在於成本較低，唔需要走正式法律程序，但其最大風險是係缺乏法律約束力。如果債權人唔遵守協議，可能會重新要求全額償還，甚至進一步採取法律行動。因此，若考慮此方式，建議先諮詢香港嘅理財輔導機構，進行全面財務評估。
理財輔導機構：
個人自願安排：破產的替代方案
根據《破產條例》提供嘅法律途徑，選擇正式程序「個人自願安排」（IVA）。喺安排下，你可以向法院和債權人提交還款計劃，一旦獲得批准，該計劃對所有債權人具有法律約束力。
與破產相比，「個人自願安排」有好多優點。首先，佢可以避免你孭上破產嘅污名，都可以令你避免破產法規帶來嘅各種限制，如限制出國、失去某些職業資格等；對債權人來講，係一個更有利嘅選擇，因為佢地有望從中得到更多還款。
破產與經濟壓力：如何尋求解決？
從香港破產呈請書及清盤數據顯示，好多人仍然喺艱難嘅財務環境中掙扎。其實，無論係個人還係企業，喺面對困境時，破產並非唯一選項。通過「非正式安排」或選擇「個人自願安排」都能幫助你減輕財務壓力，重拾希望。喺甘樣嘅經濟環境下，了解自己可選擇嘅所有法律和財務途徑，對於每個處於困境中嘅人來講，都係至關重要。
*文章內容僅作為分享及參考用途，而非專業投資建議。由於個人情況及需求不同，你可以聯係 講經MAN 團隊或咨詢你的理財規劃師，以取得專業的建議。