唔係講笑，年薪百萬都未必有資格做卡主！想申請一張頂級「黑卡」究竟有幾難？今日，講經MAN就帶大家睇睇三大頂級黑卡「有幾壕」？有乜「特異功能」？點解佢哋會成為富豪圈嘅身份象徵！
【相關閱讀】
美國運通百夫長卡（Centurion Card）
申請門檻：至少300萬年薪、擁有750萬現金或3,600萬物業
年費：3.88萬（入會費4.68萬）
講到黑卡，不得不提百夫長黑卡（Centurion Card）！呢張卡唔單止係「有錢人」嘅象徵，仲係全球最出名嘅黑卡之一。「黑卡」採用鈦金屬純手工打造重量達15克，比一般膠製信用卡重兩倍，足夠展示其尊貴性！
百夫長黑卡採用「邀請制」，只有獲邀的上流人士才能申請，持有者非富則貴，包括各國政要、億萬富豪及社會名流。其實，百夫長黑卡無確定申請門檻，但綜合外界消息猜測，香港地區申請人至少要有300萬年薪、擁750萬或以上現金或擁3,600萬或以上價值的物業，才有資格做卡主。同時，擁有百夫長黑卡成本高的驚人，香港首次入會費達4.68萬元，以後每年年費亦要3.88萬元。
美國運通有獨立的黑卡部門，如果想申請黑卡可以嘗試係美國的美國運通官網上，填寫表單主動發出請求，甘就有機會成為黑卡持卡人。
百夫長黑卡獨享「私人秘書服務」
百夫長黑卡冇消費額度，意思係你可以隨便買，唔使擔心有冇超支，跑車、珠寶、私人飛機，隨便拎！仲享受全球最頂級的會員專屬禮遇、權益及服務，例如升級全球知名飯店集團會籍，免預約入住頂級酒店嘅總統套房，還可以喺全球500多個機場，有超過1,200個合作嘅貴賓室免費使用。
最特別係，百夫長黑卡服務中包含全球頂級「私人秘書服務」，可以幫你訂位、訂機票，為持卡人達成「任何地球上合法的事」，被形容為「使命必達」。聽講，2004年南亞海嘯期間，一名持卡人為救出受困於印尼島嶼嘅友人，聯繫私人秘書求助，美國運通竟派咗出私人飛機協助持卡人友人解困！
滙豐私人環球銀行黑卡（HSBC Privé Card）
申請門檻：資產逾200萬美元的滙豐私銀客戶
年費：2.88萬
為咗爭奪美國運通黑卡市場，滙豐亦推出了私人環球銀行黑卡（HSBC Privé Card）。同樣採用「邀請制」，門檻需喺滙豐私人銀行有200萬美元資產（約1,560萬港元），年費較運通黑卡優惠，係2.88萬。
滙豐黑卡尊貴禮遇多！
卡主可以享受Comoclub 會員計劃C6級別的會員禮遇，喺多個國家或城市嘅指定酒店免費入住兩晚；如果使用該信用卡訂機票，可再加送2晚指定酒店；享受喺合作嘅航空公司購買商務/頭等機票「買一送一」優惠、香港機場轎車接送服務，對於熱愛旅遊嘅卡主非常實用；享有本港部分熱門私人會所及會員專用貴賓廳服務。同時，還享有英國Harrods百貨公司禮賞計劃黑卡等級，以及香格里拉會鑽石級會籍等。
花旗銀行ULTIMA黑卡
申請門檻：資產逾800萬港元的花旗私銀客戶
年費：2.3萬
花旗ULTIMA黑卡係香港唯一有名額限制黑卡，名額上限只有1,000張，且香港地區名額已滿。據說，申請門檻係資產逾800萬港元嘅花旗私銀客戶，年費係2.3萬，相比之下有啲「親民」。
ULTIMA黑卡主打「全球獨享特色體驗」
ULTIMA黑卡與多家航空公司合作，購買商務/頭等機票，提供「買一送一」機票優惠；喺全球 900 家參與嘅豪華酒店連續入住兩晚或以上，可享一晚免費住宿。最具特色係ULTIMA黑卡「全球獨享特色體驗」，例如，高爾夫球愛好者若前往蘇格蘭聖安德魯老球場，可安排與世界級球手切磋球技；仲可參加亞洲及太平洋島國的豪華私人島之旅、歐洲酒莊及葡萄園，甚至超級跑車賽道體驗等著你！另外，花旗銀行與米芝蓮指南有合作，喺香港可享米芝蓮指定食肆優先訂座服務，享受特權帶來的尊貴感！
小結
三大「黑卡」壕到持續刷新眼球，不愧係富豪圈身份象徵。想唔想享有「黑卡」帶來嘅尊崇體驗？甘就繼續努力搵銀，相信終有一日會成為尊貴「黑卡」卡主！
*以上內容僅供參考，請以各銀行實際公佈為準