從迷因界新星到撼動加密貨幣市場,Chill Guy是什麼?佛系迷因狗要涼涼了?

「I’m just a chill guy」一隻身穿灰色運動衫、牛仔褲,腳踩紅白布鞋,雙手插袋,面帶淡然微笑嘅小狗就係「迷因狗」,佛系態度同一身隨性打扮,喺IG、TikTok、Threads等平台瘋狂走紅,風靡一眾年輕人。甚至,Chill Guy竟成為加密貨幣「CHILLGUY」代幣,市值短短幾日就爆升至37億港元,超越Dogecoin同Shiba Inu等迷因幣!咁Chill Guy究竟點走紅,背後有咩故事呢?跟住講經MAN一齊分析!

Chill Guy:佛系形象得民心

其實,Chill Guy係由美國插畫家Phillip Banks創作,喺2023年10月4日社交平台首次介紹並配文:「佢就係一個冷靜嘅人,低調又唔在乎」(His whole deal is he’s a chill guy that lowkey doesn’t give a f**k)。Chill Guy形象簡單但又有力,代表住唔計較、不爭吵,完全與世無爭,與年輕人嘅「躺平」心態、「佛系」態度相符,唔少Gen Z網民對Chill Guy有強烈共鳴。

但數位藝術家Phillip Bankss作風神秘,無喺社交平台上透露太多個人資訊,但喺自我介紹中寫到「正在與另一個男人戀愛」。

爆紅方式:惡搞片段成為焦點

今年,Chill Guy喺TikTok同Instagram嘅惡搞短片大熱,用戶將Chill Guy放入唔同場景,包括海灘、會議室、甚至太空,再配合唔同動畫劇集,創造出更多幽默、出奇不意嘅內容。有啲用戶仲會將《Family Guy》嘅小狗Brian Griffin嘅聲音配上Chill Guy,令佢形象更加生動,展現出佢冷靜、唔在乎一切嘅態度。呢啲片段唔單止吸引大量網民,仲連薩爾瓦多總統Nayib Bukele都喺X(前Twitter)上分享Chill Guy圖片,令佢人氣進一步提升。

Chill Guy變身加密貨幣 市值狂飆至37億

最令人大跌眼鏡嘅係,Chill Guy竟跨界變成加密貨幣!今年9月,Chill Guy就轉型成為加密貨幣代幣「CHILLGUY」。初期反應平平,但當薩爾瓦多總統Bukele發佈Chill Guy圖後,「CHILLGUY」幣市值就如火箭般飆升。到11月26日,市值已經達到驚人的37億港元,遠超Dogecoin同Shiba Inu等老牌迷因幣,甚至一度被視為加密貨幣圈新興黑馬

創作者反擊:未經授權開發將追究

然而,Chill Guy商業化亦引發爭議,創作者Phillip Banks明確表示,佢冇授權任何人將Chill Guy變成商品或加密貨幣,並表示將會採取法律行動。佢表示,對於角色嘅創作或借用,只要標註來源佢都唔介意,但針對未經授權嘅牟利行為,佢會採取法律行動。而且,佢已經為Chill Guy申請版權保護,計劃打擊非法使用。

從而導致此次拋售潮,眾多投資者紛紛拋售超過45%的代幣,「CHILLGUY」從0.4793美元迅速跌至0.2637美元,在本月12日的24小時內市值下跌15%,交易量增幅超過200%。截至12月13日20時,ChillGuy的市值有所回升,回到3億美金,價格已漲至0.3033美金,但相較於11月27日最高點時,跌幅仍然超過50%

短短幾個月之內,Chill Guy成功跨界加密貨幣市場,市值一度爆升至37億港元後又迅速回調。講經MAN認為「Chill Guy」凸显了meme币领域的危险性,動蕩與風險、不穩定性較大!

*文章內容僅作為分享及參考用途,而非專業投資建議。由於個人情況及需求不同,你可以聯係 講經MAN 團隊或咨詢你的理財規劃師,以取得專業的建議。

發佈留言

發佈留言必須填寫的電子郵件地址不會公開。 必填欄位標示為 *