下一隻泡泡瑪特?布魯可成「凍資王」第三名 「鹹蛋超人」掀新股追捧潮

近期,港股新股市場好熱鬧,新股「頭炮」腦動極光(6681)獲近5.6億元孖展,超購8.5倍,已於1月8日正式掛牌;其中最火熱非布魯可(00325)莫屬,位列史上「凍資王」及「超購王」季軍。跟住講經MAN,一齊睇下布魯可點喺潮玩市場走上花路,被視為「潮玩界新星」。

【相關閱讀】

全球最賺錢IP寶可夢創現象級手遊《Pokémon TCG Pocket》最高日賺超4,000萬

布魯可:潮玩界新星

布魯可靠住「鹹蛋超人」(奧特曼)等知名IP,一上市就引發大量資金追捧。布魯可擬全球發售2,412.03萬股,香港公開發售佔一成,國際發售佔九成,本聯席保薦人為高盛及華泰國際。

據券商富途數據顯示,布魯可主要券商孖展申購額達8,774億元,單計孖展申購倍數超過6,000倍,超購倍數打入港股歷史第三名,僅次毛記葵涌﹙1716﹚及草姬﹙2593﹚。

布魯可於1月10日(上週五)正式掛牌,股價曾升82%,高見109.9元,一手300股,不計手續費帳面賺14865元。布魯可首日收報85元,仍升40.9%,每手帳面仍賺7395元,全日成交額達到26.8億元。截至1月13日15:00,布魯可股價為 92.2 港元。專家建議,散戶若未沽貨,可繼續持有,未持有布魯可的散戶,可考慮在100元或以下考慮吸納,並在110元以上沽出

IP是核心!自家IP VS 授權IP?

布魯可係靠IP起家,收入結構亦高度依賴外部授權IP。雖然自家IP「英雄無限」與「百變布魯可」有啲聲勢,但佔比仍較低。2024年中,數據顯示:

授權IP佔比:

  • 奧特曼貢獻57.4%
  • 變形金剛佔18.7%

自家IP佔比:

  • 「英雄無限」佔18.7%
  • 「百變布魯可」僅佔0.9%

相比之下,潮玩界代表泡泡瑪特有八成收入都係自家或獨家IP,授權IP收入淨係得15%。咁睇,布魯可嘅IP結構仲有得優化。不過,「英雄無限」嘅收入佔比按年已經升咗10個百分點,呢個係一個好兆頭。未來如果能夠開發到更多受歡迎嘅自家IP,布魯可競爭力會更穩固。

「鹹蛋超人」掀新股追捧潮

IP續約是生死關鍵!會不會加價?

布魯可手頭上一堆授權IP,當中唔少係大家熟悉嘅大熱品牌,例如:

  • 2025年到期:寶可夢、火影忍者、假面騎士、漫威IP、以及奧特曼部分地區授權。
  • 2026年到期:王者榮耀、初音未來、機動奧特曼、名偵探柯南。
  • 2027年後到期:中國地區嘅奧特曼、小黃人(迷你兵團)與變形金剛。

授權到期之後,面臨兩個問題:

  • 續約談判:能唔能夠搞掂?會唔會被加價?
  • 新IP拓展:未來可唔可以引入到新嘅吸引IP?

布魯可喺招股書中提到,IP授權協議一般只簽1至3年,唔一定自動續約。但公司亦強調,目前冇發現任何同奧特曼IP有重大不利變動,未來亦計劃引入更多新IP。

布魯可優勢是什麼?

布魯可喺潮玩市場有幾個明顯賣點:

  1. 增長強勁:2021至2023年,收入年均增長率達63%。截至2024年中,毛利率已經提升到52.9%,相當唔錯。
  2. 專利優勢:公司有超過500項專利,仲具備一定自主IP開發能力
  3. 潮玩熱潮加持:消費者對潮玩市場嘅需求爆炸式增長,特別係二次元、盲盒等概念,令布魯可受益良多。

投資布魯可,什麼時候入場最適合?

投資者考慮入場嘅時候,最好留意以下兩點:

  1. 自主IP能唔能夠快速上位?
    雖然布魯可目前靠外部IP比較多,但隨住「英雄無限」收入比例上升,公司未來可能會喺自家IP開發上面再下一城,逐步減低對外部IP嘅依賴。
  2. 授權IP續約同新IP引入嘅表現
    短期內,外部IP仍然係布魯可嘅核心競爭力。如果續約進展順利,或者可以再攞到其他有吸引力嘅IP,咁公司嘅未來會更加穩陣。

總結

投資新股時,投資者應仔細分析公司基本面及行業前景,選擇具備長期增長潛力嘅標的。

布魯可雖靠鹹蛋超人等熱門IP,再加上市場熱炒「潮玩概念」,公司有機會複製泡泡瑪特嘅成功故事。但講經MAN認為投資者亦要留意公司嘅IP結構與續約風險,睇清楚自主IP嘅發展潛力先決定入唔入場。

*文章內容僅作為分享及參考用途,而非專業投資建議。由於個人情況及需求不同,你可以聯係 講經MAN 團隊或咨詢你的理財規劃師,以取得專業的建議。

發佈留言

發佈留言必須填寫的電子郵件地址不會公開。 必填欄位標示為 *